Японы мэргэжлийн сүмо бөхийн 2025 оны нэгдүгээр сарын “Хацү” башёгийн долоо дахь өдрийн барилдаан өчигдөр боллоо. Долоо давь өдрийн барилдаанд Озэки Хошорюү С.Бямбасүрэн ёстой нэг баавартай барилдааныг үзүүлэн, өвдөг шороодоогүй явсан гурван бөхийн нэг маэгаширагийн баруун жигүүрийн гурваас босож барилдаж буй Охог окуритаоши мэхээр давлаа. Ийнхүү  Хошорюү Бямбасүрэн, Охо нар ижилхэн зургаан даваа, нэг унаатай, 6:1-ийн амжилттай болов. Харин хоорондын барилдааны хувьд өрсөлдөгч нь 5:4-өөр илүү хэвээр үлдлээ. Өнөөдөр 15:00 цагаас найм дахь өдрийн барилдаан эхэлнэ.