Олон улсын жүдо бөхийн холбооноос Катар Улсын Доха хотод зохион байгуулж буй “Мастерс-2021” тэмцээний гурав дахь өдөр буюу сүүлийн барилдаанууд өнөөдрийн 15:00 цагт эхэлнэ. Өнөөдөр эмэгтэйчүүдийн хоёр, эрэгтэйчүүдийн гурван төрлийн жинд барилдаанууд үргэлжилнэ.

       Барилдааны хуваарийн дагуу манай орны баг, тамирчдаас -90 кг жинд ОУХМ Г.Алтанбагана, +100 кг жинд ДАШТ-ий хүрэл медальт, ОУХМ Ө.Дүүрэнбаяр нар зодоглох юм. Тус тэмцээний хоёр дахь өдөр С.Моллай тэргүүтэй Монголын таван тамирчин оролцож, медаль авч чадаагүй бол эхний өдөр МУГТ М.Уранцэцэг тэргүүтэй есөн тамирчин зодоглож, М.Уранцэцэг хүрэл медаль хүртсэн билээ.