“Ханжоу 2022” 19 дэх удаагийн Азийн наадмын байт харвааны багийн төрлүүд үргэлжилж байна. Манай баг хосын болоод багийн төрөлд өрсөлдөж байгаа. Өглөө 09:00 цагаас эхэлсэн хосын төрөлд А.Энхтуяа, Б.Отгонболд нар хасагдах шатны 8/1-т Индонезийн багтай учраа таарч 1:5-ын харьцаатай ялагдал хүлээлээ.

         Түүний араас нэгдсэн холимог багийн төрөлд Б.Батдулам, П.Жамьянгомбо нар Өмнөд Солонгосын хостой цэц мэргэнээ сорин нийлбэр дүнгээр 145:155 оноотойгоор ялагдал хүлээлээ. Мөн 10:00 цагаас эмэгтэйчүүдийн багийн төрөлд Б.Батдулам, С.Мөнх-Эрдэнэ, О.Биндэрьяа нар Вьетнамын багтай таарч 228:205 харьцаатай ялагдсан байна. 

         Үүнээс гадна 10:00 цагаас эхэлсэн эрэгтэйчүүдийн багийн төрөлд П.Жамьянгомбо, Г.Шандан, Ш.Даваахүү нар Тайванийн багтай өрсөлдөж 232:212 харьцаатай ялагдал хүлээлээ.