Жүдо бөхийн Монгол Улсын гавьяат дасгалжуулагч Шархүүгийн Цэвэлмаа багш 1976 оны энэ өдөр мэндэлжээ. Түүний “Женко” клубийн олон шавь, олон улс тив дэлхий, олимпын дэвжээнээ амжилттай сайн барилдаж эх орныхоо төрийн дууллыг эгшиглүүлж байгаа. 2013 онд Монголын жүдо бөхийн ертөнцөд нэгэн гайхалтай томоохон үйл явдал болсон нь  багшийн шавь МУГТ Мөнхбатын Уранцэцэг дэлхийн аварга болсон. Улмаар Токиогийн олимпоос хүрэл медаль хүртсэн. Мөн түүнчлэн ДАШТ-ий хүрэл медальт МУГТ Б.Мөнгөнчимэг, Чөлөөт бөхийн ДАШТ-ий хүрэл медаль МУГТ Б.Одончимэг, Азийн аварга, Азийн наадмын медальтан ОУХМ М.Ичинхорлоо, ОУХМ П.Лхамдэгд, ОУХМ Ц.Наранжаргал, ОУХМ Б.Хулан гээд олон шилдэг эмэгтэй тамирчдыг төрүүлэн гаргасан билээ. Тийм ч түүнийг “Охидын ээж” хэмээн хүндэтгэн нэрлэдэг юм.