Монгол Улсын гавьяат тамирчин, улсын заан Д.Цэнд-Аюушийн нэрэмжит жүдо бөхийн өсвөрийн "ХҮЧ ЦОМ 2023" тэмцээн Спортын төв ордонд гурван өдөр амжилттай явагдаж өндөрлөлөө. Энэ жилийн тэмцээнд нийт 1400 гаруй өсвөрийн жүдочин хурд хүчээ сорин өрсөлдсөн байна. Мөн ОХУ-н Якут болон Өвөр Монголын баг тамирчид ирж оролцсоноороо онцлогтой байв.

      “Монголын жүдо академи”-ийн хувьд энэ жилийн “ХҮЧ ЦОМ”-оос нийт 12 медаль  гурван алт, дөрвөн мөнгө, таван хүрэл медаль хүртсэн амжилтыг үзүүлжээ. Улмаар багийн дүнгээр охидын бага насны ангилалд тэргүүн байрт шалгарч цомын эзэн болжээ. Мөн” Монголын жүдо академи”-ийн Дундговь аймаг дахь салбар нэг мөнгө, нэг хүрэл медалийн болзол хангасан байна.