"Белград 2023" чөлөөт бөхийн дэлхийн аварга шалгаруулах тэмцээний тав дахь өдөр эмэгтэйчүүдийн 50 кг-ын жингийн финалын барилдаанууд болж өндөрлөлөө. Белград. 50 кг-д ДАШТ-ий мөнгө, хүрэл медальт, Монгол Улсын гавьяат тамирчин Долгоржавын Отгонжаргал ДАШТ-ий аваргын төлөөх барилдаанд Японы алдарт бөх Юи Сүсакитай хүч үзэн ялагдаж дэлхийн аваргын хошой мөнгөн медалийн эзэн болов. Тэрбээр чөлөөт бөхийн дэлхийн аварга шалгаруулах тэмцээний гурав дахь медалиа хүртэж бөх сонирхогчид Монголын ард түмнээ баясгаж төрийнхөө далбааг Белградын тэнгэрт өргөв.

Эмэгтэй 50 кг жингийн медальт байрт:

1. Юи Сүсаки /Япон/

2. Долгоржавын Отгонжаргал /Монгол/

3. Сара Хилдебрандт /АНУ/

3. Фен Зики /БНХАУ