32 дахь удаагийн “Токио-2020” зуны олимпын наадам долоо дахь өдрөө үргэлжилж байна.

   Буудлагын 25 метрийн эмэгтэйчүүдийн төрөлд оролцож буй ОУХМ Ц.Анударь эхний өдөр 287 оноо авч, 29 дүгээр байрт жагсаж байсан. Харин өнөөдөр хурдан буудлагаас 285 оноо авч, нийлбэр дүнгээр 572 оноо, буудлагын голчоор 9.533 оноо дундажлаж, 34 дүгээр байрт шалгарлаа. Тэрбээр хийн гар бууны 10 метрийн буудлагын төрөлд есдүгээр байрт шалгарч, шөвгийн наймд шалгарахад нэг оноо дутсан юм. “Токио-2020” зуны олимпын наадам түүний оролцож буй анхны олимп билээ.