32 дахь удаагийн “Токио-2020” зуны олимп дөрөв дэх өдрөө үргэлжилж байна.

Өнөөдөр буюу долдугаар сарын 27-нд Монгол Улсын төлөөлж, спортын гурван төрөлд манай найман тамирчин оролцоно.

08:00 цагаас буудлагын 10 метрийн хийн гар бууны холимог багийн төрлийн урьдчилсан шатанд Ц.Анударь, Э.Даваахүү нар цэц сорьж байна.

10:00 цагаас жүдо бөхийн эмэгтэйчүүдийн -63 килограмм жингийн эхний шатанд Б.Ганхайч “Пан-Америк”-ийн аваргын мөнгөн медальт Мексикийн тамирчин Пришка Авити Алкаразтай барилдана.

11:50 цагаас дэлхийн аварга, Монгол Улсын шигшээ багийн тамирчин Саид Моллай шөвгийн 16-д Казахстаны бөх Дидар Хамзатай барилдах аж.

12:55 Монголын сагсан бөмбөгийн 3х3 төрлийн эмэгтэй шигшээ баг хэсгийн шатны сүүлчийн тоглолтоо БНХАУ-ын шигшээ багийн эсрэг хийх юм.