32 дахь удаагийн “Токио-2020” зуны олимпын наадам гурав дахь өдрөө үргэлжилж байна. Өнөөдрийн тэмцээнүүдэд Монголын сагсан бөмбөгийн 3х3 төрлийн эмэгтэйтэй шигшээ баг, жүдо бөхийн эмэгтэйчүүдийн -57 килограмм жинд олимпын наадмын мөнгөн медальт, дэлхийн аварга Д.Сумъяа, эрэгтэйчүүдийн -73 килограмм жинд ОУХМ Ц.Цогтбаатар нар оролцож байгаа юм.

Өнөөдрийн сагсан бөмбөгийн 3х3 төрлийн шигшээ баг эхний тоглолтоо хийж, Румын Улсын шигшээ багт 22:14 онооны харьцаатайгаар ялагдал хүлээсэн. Шигшээ багийн дараагийн тоглолт өнөөдрийн 17:30 цагаас Франц Улсын шигшээ багийн эсрэг үргэлжлэх юм. Харин Ц.Цогтбаатар, Д.Сумъяа нарын жингийн барилдаанууд 11:00 цагаас Ниппон Бүдокан ордонд эхэлнэ.