32 дахь удаагийн “Токио-2020” зуны олимпын наадам үргэлжилж байна.

Ээлжит зуны олимпын наадмын 400 метрийн өврөөр даллах сэлэлтийн тэмцээн өнөөдөр дуусаж, шилдгүүдээ тодруулав. Тэгвэл тус тэмцээнд БНТУ-ын 18 настай усанд сэлэлтийн тамирчин Ахмед Хафнауи түрүүлж, олимпын аварга болжээ.

Тэрбээр өчигдөр урьдчилсан шатанд дөрөвдүгээр гарааны дөрөвдүгээр байрт орж, хамгийн сүүлийн байраар финалд шалгарсан бол өнөөдөр зуны олимпын наадмын алтан медаль хүртэв. Түүний араас Австралийн тамирчин Жэк Маклуфлин, АНУ-ын тамирчин Кьеран Смит нар удаалж, мөнгө, хүрэл медалийн хүртсэн байна.

Ташрамд дурдахад, 18 настай Ахмед Хафнауи БНТУ-ын олимпын наадмаас алтан медаль хүртсэн тав дахь тамирчин, гурав дахь усанд сэлэгч болоод байгаа юм.