“Токио 2020” 32 дахь удаагийн зуны олимпын жүдо бөхийн эрэгтэйчүүдийн -66 килограммын жинд “Хилчин” спорт хорооны тамирчин, ОУХМ Ё.Басхүү эх орноо төлөөлөн өрсөлдөж буй билээ. Завхан аймгийн Нөмрөг сумын харьяат “Хилчин” спорт хорооны тамирчин тэрбээр өнөөдөр 10:00 цагт анхны барилдаанаа хийнэ.

Тодруулбал, Ё.Басхүү сугалаагаар В хэсэгт багтаж, эхний тойрогтоо гоц мөргөсөн бол хоёрдугаар тойргийн барилдаанаа Катар болон Беларусийн тамирчдын ялсан жүдочтой нь барилдах юм.

Ташрамд дурдахад, түүний багтсан В хэсгийн хамгийн хүчирхэг өрсөлдөгчөөр Японы алдарт аварга Хифүми Абэ нэрлэгдээд байна .