“Токио-2020” зуны олимпын XXXII наадам энэ сарын 23-нд эхэлнэ. Зуны их наадам эхлэх гэж байгаатай холбоотойгоор ОУОХ-ноос амжилт үзүүлж, медалийн болзол хангасан тамирчдад медаль зүүж өгөхгүй, тамирчид өөрөө авч зүүх тухай журам баталсан байна.

       Мөн ОУОХ-ноос медалийн болзол хүртсэн тамирчдад шагнал гардуулах үеэр гар, барихгүй, тэврэхгүй байх, амны хаалтаа зүүх журам баталсан. Тэгвэл энэ удаад тусгаарлалтын хувцас, бээлийтэй алба хаагчийн тавцан дээр тавьж өгсөн медалийг тамирчид өөрөө авч, зүүх болжээ.

       Ташрамд дурдахад, саяхан өндөрлөсөн хөл бөмбөгийн Европ тивийн аварга шалгаруулах тэмцээний шагнал гардуулах үеэр ОУХБХ-ны Ерөнхийлөгч Александр Сеферин тамирчдад медалийг нь зүүж өгч байсан нь олон нийтийн сүлжээгээр тарж, шүүмжлэл дагуулсан билээ.

Эх сурвалж: ESPN