“Америкийн цом-2021” Америк тивийн шигшээ багуудын дундах хөл бөмбөгийн аварга шалгаруулах тэмцээн үргэлжилж дууслаа.

       Аваргын төлөөх тоглолтод Аргентин Улсын шигшээ баг 1:0 харьцаатайгаар Бразилын шигшээ багийг буулган авч, эх орондоо 28 жилийн дараа “Америкийн цом-2021” цомыг авчрав.

       Тоглолтыг шийдсэн ганц оноог Аргентины шигшээ багийн хагас хамгаалагч Анжел Ди Мариа 22 дахь минутад оруулсан юм.

       Тоглолтын бүтэн цагт нийт 41 алдаа гарсан нь тоглолтыг удаашруулж, Аргентины шигшээ баг нэг онооны харьцаатайгаар ялалт байгуулахад гол нөлөө үзүүлсэн талаар гаднын агентлагууд мэдээлж байна.