Америкийн Үндэсний сагсан бөмбөгийн холбооны 2020-2021 оны улирлын аварга шалгаруулах тоглолтууд үргэлжилж байна.

       “Финикс Санс” багийн талбайд болсон аваргын төлөөх цувралын хоёр дахь тоглолтод талбайд эзэн баг 118-108 онооны харьцаатайгаар “Милуоки Бакс” багийг хожиж, аваргын цувралыг хоёр хожилтойгоор тэргүүлж эхэллээ.

       Тоглолтод “Финикс Санс” багийн лидер Девин Бүүкер 44 минут тоглож, 31 оноо авалт, таван самбараас бөмбөг авалт, зургаан оновчтой дамжуулалт өгсөн бол “Милуоки Бакс” багийн лидер Яннис Антетокоунмпо 40 минут тоглож, 42 оноо, 12 самбараас бөмбөг авсан үзүүлэлттэй байна.

       Цувралын гурав дахь тоглолт “Милуоки Бакс” багийн талбайд Монголын цагаар долдугаар сарын 11-ний 08:00 цагт болох юм.