Америкийн Үндэсний сагсан бөмбөгийн холбооны 2020-2021 улирлын аварга шалгаруулах хасагдах шатны тоглолтууд үргэлжилж, лигийн аваргын төлөө өрсөлдөх эхний багийг тодруулав.

       Улирлын тоглолтуудад 51 хожил, 21 хожигдолтойгоор өрнөд бүсэд хоёрдугаар байраар шалгарч, хасагдах шатанд шалгарсан “Финикс Санс” баг шигшээ тоглолтуудаа цааш үргэлжлүүлж, лигийн аваргын төлөө өрсөлдөхөөр боллоо.

       Өнөөдөр өрнөд бүсийн аваргын төлөөх зургаа дахь тоглолт болж, “Финикс Санс” баг “Лос-Анжелес Клипперс” багийг 130-103 онооны харьцаатайгаар буулган авч, цувралын харьцаа 4-2-оор өндөрлөв.

       “Финикс Санс” багийн лидер Крис Пол уг тоглолтод 35 минут тоглож, 41 оноо, найман оновчтой дамжуулалт өгч багаа тэргүүлсэн бол эсрэг багийн лидер Пол Жорж 41 минут тоглож, 21 оноо, есөн оновчтой самбараас бөмбөг авалт үзүүлжээ.

       “Финикс Санс” баг АҮСБХ-ны 2020-2021 оны улирлын аваргын цомын төлөө дорнод бүсийн аваргын төлөө өрсөлдөж буй “Атланта Хокс”, “Милуоки Бакс” багийн цувралын ялагчтай өрсөлдөх юм.

Эх сурвалж: ESPN