Японд төвтэй “Sony” компани “Гайхамшигт хүн аалз” киноны гурав дахь ангийг хийхээр болсноо албан ёсоор баталгаажуулжээ. “Гайхамшигт хүн аалз” киноны гуравдугаар ангид өмнөх хоёр ангийн гол дүрд тоглосон Англи-Америк гаралтай жүжигчин Эндрю Гарфилд дахин тоглох аж.

            Америкийн зураач, продюсер Стэн Лийгийн комик номны хүн аалзын дүр 2002 оноос дэлгэцийн бүтээлээр дамжуулан дэлхий дахинд түгсэн. “Колумбиа” кино компанийн эрхэлж явуулсан хүн аалзын кино 2002-2007 онд “Хүн аалз”, 2012-2014 онд “Гайхамшигт хүн аалз”, “Хүн аалз” нэрээр 2017 оноос өнөөг хүртэл гарч, киноны гол баатар хүн аалзын дүрд гурван жүжигчин тоглоод байгаа юм.