Засгийн газрын хуралдаанаас гарсан зарим шийдвэрийг танилцууллаа. Энэ үеэр ЗГХЭГ-ын дарга С.Бямбацогт “Сар шинийн баяр удахгүй болох гэж байгаа. Битүүний өдрийн ажлыг хоёрдугаар сарын 28-ны бямба гарагт шилжүүлж, иргэдийг цагаан сарын баяртаа бэлдэх боломжийг олгож байна. Өөрөөр хэлбэл, битүүний өдрийг амралтын өдөр болгосон. Битүүний өдөр ажлаа хийх хэцүү, гэрээ цэвэрлэж, идээ будаагаа засахгүй байх хэцүү байдаг учир тус шийдвэрийг гаргасан. Түүх соёлоо дээдэлдэг, ах, дүүтэйгээ амар мэндээ мэдэлцэж золгодог, өв, соёлоороо бахархдаг ёс уламжлалыг хүндэтгэж, Засгийн газраас тус шийдвэрийг гаргалаа” гэв.