УИХ-ын чуулганы хуралдаан үргэлжилж байна. Энэ үеэр УИХ-ЫН ГИШҮҮН С.ГАНБААТАР Засгийн газрын гишүүдийг шүүмжиллээ. Тэрбээр “Эрх баригчид үг хэлэхээр өөдөөс хөмсөгөө битгий атируулаарай гээд байх юм. Засгийн газрыг ард түмэн сонгоогүй. УИХ-ын гишүүдийг ард түмэн сонгосон. Тийм учраас гишүүдийг яаж ярихыг нь битгий заагаарай” гэлээ. Мөн Сангийн сайд вакцины асуудлаар гаднаас мөнгө гуйж явахаар Оюутолгойг ашиглах хэрэгтэй гэсэн саналыг хэлсэн юм. Тэрбээр “Оюутолгойн гэрээндээ өөрчлөлт оруулаач ээ. Нийгмийн хариуцлагын хүрээнд Оюутолгой вакцины мөнгийг гаргаач ээ. Эрдэнэт үйлдвэрээс хэд дахин том шүү дээ” гэхэд САНГИЙН САЙД Ч.ХҮРЭЛБААТАР “Ерөнхий сайдын захирамжаар  байгуулагдсан ажлын хэсэг вакцин оруулж ирэхээр аажиллаж байна. Хөрөнгө мөнгө дутсан зүйл байхгүй. Бүх юмыг төр хийгээд байхаар хувийн хэвшил юу хийх юм бэ. Хүчтэй хувийн хэвшилтэй байж улс орон хөгжинө” гэсэн хариулт өгсөн юм.