УИХ-ын чуулган үргэлжилж байна. Энэ үеэр УИХ-ын гишүүн Ш.Адьшаа горимын санал гаргасан юм. Тэрбээр “Шүүхийн тухай хуулийг УИХ-аар хэлэлцүүлэхээс өмнө УИХ-ын гишүүд, иргэд, иргэний нийгмийн байгууллагыг оролцуулж олон нийтийн хэлэлцүүлэг хийх ёстой” гэсэн горимын санал гаргалаа. Түүний горимын саналаар санал хураалт явуулахад гишүүдийн олонхи нь дэмжсэнгүй. Ингэснээр Шүүхийн тухай багц хуулийн төслийг хуваарийн дагуу чуулганы хуралдаанаар хэлэлцэхээр болж байна.

Үүний дараа Зэвсэгт хүчний тухай хуулийн төслийг УИХ-ын чуулганаар хаалттай хэлэлцэхээр боллоо. Ингэхдээ танхимд хуваагдан суусан гишүүд чуулганы танхимд нэгдэж санал хураалтаа гар өргөж хураана гэдгийг УИХ-ын дэд дарга Т.Аюурсайхан хэллээ.