Монгол Улсын Шадар сайд, Улсын онцгой комиссын дарга Я.Содбаатарыг огцруулах санал асуулгыг change.org сайтаар явуулж эхэлсэн байна. Энэ талаар УИХ-ын дарга асан З.Энхболд өөрийн цахим хуудаснаа нийтэлжээ. Тэрбээр “Шадар сайд Я.Содбаатар үүрэгт ажлаа хүлээж авсан цагаас хойш олон судалгаагүй, алдаатай шийдвэрүүд гаргаж улмаар коронавирус дотооддоо алдаж, жижиг, дунд аж ахуйн нэгжүүдийг дампуурах эрсдэл рүү түлхэж байна. Энгийн иргэдийн амь нас зүй бусаар таны үед эндлээ. Иймд Я.Содбаатар даргыг үүрэгт ажилдаа тэнцэхгүй хүн гэж ард иргэд үзэж ажлаас нь нэн яаралтай чөлөөлөх хүсэлтэй байна. Та ажлаа чаддаг хүнд нь шилжүүлж өгнө үү” гэжээ.