Газрын тухай хуулийг өргөн барьсан УИХ-ын гишүүн Н.Ганибал, Ж.Бат-Эрдэнэ нар мэдээлэл өглөө.

        Энэ үеэр Н.Ганибал “Засгийн газраас өргөн барьсан Хөрөнгө оруулалтын тухай хууль гэж байгаа. Энэ хуулийг бидний өргөн барьсан хуультай холиод байгаа юм. Хөрөнгө оруулалтын тухай хуульд Монгол Улсын Үндэсний аюулгүй байдлыг ноцтой зөрчсөн юм байна лээ. Газрыг 15-60 жилийн хугацаанд гэрээний үндсэн дээр ашиглуулах, уг хугацааг гэрээний анхны нөхцлөөр нэг удаа 40 жилээр гадаадын хөрөнгө оруулагч нарт сунгаж өгнө гэсэн заалт ороод ирсэн. Энэ заалтыг дагалдуулаад Газрын тухай хуульдаа огт өөр заалт оруулаад ирсэн. Бидний өргөн барьсан хууль бол таван гишүүн малчдынхаа өвөлжөөний газрыг тодорхой эрх зүйн хувьд баталгаажуулах хууль. Энэ бол бэлчээрийг хувьчлах гээд байгаа асуудал биш. Малчин өвөлжөөн дээрээ дулаан байшингаа барих боломжийг нээж өгч байгаа" гэв.