Их эзэн Чингис хааны мэндэлсний 858 жилийн ой өнөөдөр тохиож байна

Билгийн тооллын өвлийн тэргүүн сарын шинийн 1-н, Их эзэн Чингис хааны мэндэлсний 858 жилийн ой, Монгол бахархлын өдөр өнөөдөр тохиож байна.

УИХ-ын 2012 оны намрын чуулганаар өвлийн тэргүүн сарын шинийн 1-нийг эзэн Чингис хааны төрсөн өдөр буюу “Монгол бахархлын өдөр” болгож, бүх нийтийн амралтын өдөр байхаар хуульчилсан. Мөн “Чингис хаан” одонг долдугаар сарын 11-нд олгодог байсныг “Монгол бахархлын өдөр” гардуулж байхаар болсон билээ. Харин энэ жил коронавирусийн халдвараа шалтгаалж, энэ өдөр төлөвлөгдсөн бүх арга хэмжээ цуцлагдсан болохыг Ерөнхийлөгчийн хэвлэлийн албанаас мэдэгдлээ. Төрийн өндөрлөгүүд Чингис хааны хөшөөнд хүндэтгэл үзүүлж, хүчит бөхийн барилдаан болдог уламжлалтай байсан билээ.