Дорнод аймгийн Баян-Уул суманд коронавирусийн сэжигтэй тохиолдол бүртгэгдэж, түгшүүр зарласан талаарх мэдээлэл цахим орчинд тархаад байгаа билээ. Тодруулбал, тус сумын нэгэн эмэгтэйгээс коронавирусийн шинж тэмдэг илэрч, өндөр халуурч байгаа талаарх мэдээлэл юм. Энэ талаар Дорнод аймгийн Баян-Уул сумын Засаг даргын Тамын газрын дарга Н.Бат-Амгалангаас тодрууллаа. Тэрбээр “Манай суманд сэжигтэй тохиолдол бүртгэгдсэн гэдэг нь ташаа мэдээлэл. Зарим хүн цахим орчинд сумын нэр төрд халдаж, иргэдийг айдаст автуулж байх шиг байна. Одоогийн байдлаар манай суманд халуурч, коронавирусийн шинж тэмдэг илэрсэн хүн байхгүй. Бид аймаг болон УОК-оос өгсөн шийдвэрийн дагуу Улаанбаатар хотоос ирсэн хүмүүсийг бүртгэж, мэдээллийг нь цуглуулсан байгаа” гэлээ. Мөн тэрбээр “Энэ чухал цаг үед иргэдийг худал мэдээлэлд итгэхгүй байхыг хүсье” гэв.