У.ХҮРЭЛСҮХ: Олимпын наадмаас мөнгөн медаль эх орондоо авчирсан Саид Моллайд баяр хүргэе

2021-07-27, 1302

32 дахь удаагийн “Токио-2020” зуны олимпын наадмын жүдо бөхийн -81 килограмм жинд Монгол Улсын тамирчин, дэлхийн аварга Саид Моллай Япон Улсын жүдоч Таканори Нагасэтэй алтан медалийн төлөө барилдаж, нэмэлт цагт ялагдал хүлээж, олимпын наадмын мөнгөн медаль хүртлээ.

Монгол Улсын тамирчин, дэлхийн аварга Саид Моллай жүдо бөхийн эрэгтэйчүүдийн -81 килограмм жингийн эхний барилдаандаа Казахстан Улсын тамирчин Хамза Дидартай таарч, цэвэр ялалт байгуулсан. Харин дараагийн барилдаандаа Азербайжаны жүдоч Мурад Фатиевтэй барилдаж, нэмэлт цагт вазари үнэлгээгээр ялсан билээ. Улмаар шөвгийн наймд Гүрж Улсын тамирчин Григалашвили Татог цэвэр ялсан. Шөвгийн дөрөвт Австри Улсын жүдоч Борчашвили Шамилтай барилдаж, мөн цэвэр ялалт байгуулсан юм.

Олимпын наадмаас мөнгөн медаль хүртсэн түүнд Монгол Улсын Ерөнхийлөгч Ухнаагийн Хүрэлсүх баяр хүргэж, баг тамирчдад амжилт хүслээ.

Тэрбээр “Монгол Улсынхаа нэр хүндийг дэлхийн тавцанд өндөрт өргөж Токиогийн олимпын наадмаас мөнгөн медаль эх орондоо авчирсан Саид Моллайд нийт ард түмнийхээ өмнөөс талархал илэрхийлж, халуун баяр хүргэе. Манай баг тамирчид ялалтын буухиагаа үргэлжлүүлж, Токиогийн тэнгэрт Төрийн далбаагаа олонтоо мандуулахын ерөөл дэвшүүлье” хэмээн цахим хуудастаа бичжээ.

У.ХҮРЭЛСҮХ: Олимпын наадмаас мөнгөн медаль эх орондоо авчирсан Саид Моллайд баяр хүргэе

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2021-07-28 04:06:29

Fake: Tegehgui geed yahav dee Fake president.
Сэтгэгдэл үлдээсэн: 2021-07-28 04:06:29

Fake: Tegehgui geed yahav dee Fake president.
Сэтгэгдэл үлдээсэн: 2021-07-27 22:28:30

С: Хүчтэй Ерөнхийлөгч сайхан мэндчилгээ.