Эхээсээ төөрсөн нялх элийг нутгийн иргэн олж, байгаль хамгаалагчдад хүлээлгэн өгчээ. Тодруулбал, Булган аймгийн Гурванбулаг сумын нутаг буюу Хөгнө тарнын Байгалийн цогцолбор газрын бүсэд эхээсээ төөрсөн 10 гаруй хоногтой бугын элийг нутгийн иргэн олсон байна. Бугын элийг хамгаалалтын захиргаа хүлээн авахад харангадсан байдалтай байсан бөгөөд байгаль хамгаалагчид бие даах чадвар болтол нь асарч тэжээхээр болжээ.