Сонгуулийн ерөнхий хорооноос УИХ-ын 2024 оны сонгуулийн санал хураалтын бэлтгэл ажлын талаар мэдээллээ.

        Сонгуулийн ерөнхий хорооны дарга П.Дэлгэрнаран "Гадаадад оршин сууж буй иргэдийн саналыг авч дууссан. СЕХ-нд нийт 13095 сонгогч саналаа өгөхөөр бүртгүүлснээс 9760 нь саналаа өгсөн. Энэ нь өмнөх сонгуулиас хоёр дахин өссөн дүн юм. Хамгийн сүүлд гэхэд 2021 оны Ерөнхийлөгчийн сонгуулиар гадаадад байгаа иргэд саналаа өгөхдөө 7000 гаруй сонгогч бүртгүүлснээс 5600 хүн саналаа өгсөн байна. Үүнтэй харьцуулахад эрс өссөн байгаа юм. Бид ч гадаадад байгаа оршин суугчдыг цахимаар өгөх боломжийг бид хуулиар хөнгөвчилж, цахимаар бүртгүүлээд, саналаа өгөхдөө л ирж өгөх байдлаар зохион байгуулсан. Маргааш 22:00 цагаас бүх хэсгийн хороо хаагдсаны дараа гадаадад байгаа иргэдийн саналын хуудсыг задалж, хэвлэл мэдээллийн байгууллага болон намуудын ажиглагчдын хяналтад саналыг тоолж, төхөөрөмжид уншуулж, нэгдсэн дүнд нэгтгэх ажлыг зохион байгуулна. Нийт 2.224 мянган сонгогчдоос 1.81 мянга нь нийслэлийн 513 хэсгийн хороонд саналаа өгнө. Үлдсэн нь аймаг, орон нутгийн хэсгийн хороонд саналаа өгөх дүн гарч ирсэн. Бид хуулийн дагуу сонгуулийн автоматжуулсан системийг санал өгөх, саналын дүн гаргахад ашиглана. Мөн сүлжээ байхгүй газруудад шинээр төхөөрөмж хэрэглэж байгаагаараа онцлог" гэв.