Налайх дүүргийн нутаг дэвсгэрт иргэн аянгад цохиулж нас барсан гэх мэдээлэл бий. Энэ талаар ЦЕГ-ын мэргэжилтнээс тодруулахад "Өчигдөр 17:00 цагийн үед "Нэг хүн аянгад цохиулж нас барсан байна" гэх дуудлага, мэдээлэл Цагдаагийн ерөнхий газар бүртгэгдсэн. Шалгалтын явцад мотоциклтой зорчиж явсан эрэгтэй, эмэгтэй хоёр иргэн аянгад цохиулснаас нэг нь нас барж, нэг нь түлэгдэж, эмнэлэгт хүргэгдэн эмчлүүлж байна" гэв.