Дорнод аймгийн Хэрлэн суманд долдугаар сарын 21-ний 03:00 цагийн үед 18 настай эрэгтэй Б.Д “Harrier” маркийн автомашинаар 18 настай эрэгтэй Э.С-ыг мөргөж, биед нь хүнд гэмтэл учруулж, хэргийн газраас зугтсан. Тус хэргийг үйлдэж, хэргийн газраас зугтсан 18 настай Б.Д гэгч нь Дорнод аймгийн ИТХ-ын МАН-ын төлөөлөгч М.Бас-Эрдэнийн хүү гэх.

          Б.Дөлгөөнийг холбогдох хэргийн анхан шатны шүүх долдугаар сарын 8-нд болсон. Тухайн үед автомашинаар нэгнээ дайрч, хэргийн газраас зугтсан Б.Д-ийг Эрүүгийн хуулийн 10.1.1 дүгээр зүйлээр эрүүгийн хэрэг үүсгэн ялагдагчаар татаж, цагдан хорих арга хэмжээ авсан. Харин зодоонд оролцсон бусад залууг олон нийтийн газар танхайрсан гэх  20.16 дугаар зүйлээр хэрэг бүртгэл нээж, шалгалтын ажиллагааг үргэлжлүүлж байгаа. 

Автомашинаар дайруулсан хүүгийн биеийн байдал ямар байгаа талаар түүний ааваас тодрууллаа. Тэрбээр “Хүүгээ гэрээр эмчилж байгаа. Энэ сарын 12-нд аймгийн төвд шүүх хурал болно” гэлээ.