Ахуйн гал гарсны улмаас нэг иргэн түлэгджээ. Тодруулбал, Нийслэлийн Баянзүрх дүүргийн 17 дугаар хорооны Эрдэнэтолгойн 31 дүгээр гудамжинд байшин шатаж байна гэсэн дуудлага өчигдөр тус дүүргийн Онцгой байдлын газарт иржээ. Дуудлагын дагуу Баянзүрх дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид тухайн газар очжээ.

  Албан хаагчдыг очиход иргэн О-ын 5х3 метрийн хэмжээтэй байшин, 3х2 метрийн хэмжээтэй амбаар шатаж байсныг унтраасан байна. Тус галд 53 настай иргэн О өртөж, нүүр хэсэг нь түлэгдсэн байсныг Нийслэлийн Түргэн  тусламжийн төвд шилжүүлэн өгчээ.