УИХ-ын чуулганы баасан гарагийн хуралдаанаар иргэдийн сурч боловсрох эрхийг хангах, хичээл, сурлагын хоцрогдлыг нөхөх, арилгах арга хэмжээний талаар БШУ-ны сайд Л.Энх-Амгалан мэдээлэл өгсөн юм.  Тэрбээр “180 мянган хүүхэд интернет, гар утас, цахилгаангүй байна. Тэдний 40 мянга нь Улаанбаатар хотод байна. Засгийн газраас энэ чиглэлд анхаарч, цахилгаангүй айлуудын асуудлыг шийдэж өгсөн. Бүх нийтийн үүргийн сангаас алслагдсан дүүрэгт амьдарч буй хүүхдүүдэд интернэт хүргэх асуудлыг ярьж байна. Сүлжээ муутай байгаа асуудлуудыг шийдмээр байна” гэлээ.