Эрүүл мэндийн яамнаас коронавирусийн халдварын талаар мэдээлэл өглөө. Энэ үеэр ХӨСҮТ-ийн захирал Ц.Билэгтсайхан мэдээлэл өглөө.

     Тэрбээр “Манай улс хилийн тандалтын үйл ажиллагаа 40 хоногийн турш авч хэрэгжүүлсэн байна.  Дэлхий нийтэд омикрон тархсан цагаас хойш манай улсад 109 удаагийн нислэгээр 10777 иргэн ирсэн. Гадаадаас ирсэн 232 хүнээс коронавирусийн халдвар илэрсэн байна. Гадаадаас ирж буй хоёр нислэг тутмын нэгт нь коронавирусийн халдвар илэрсэн гэсэн үг.  Улсын хэмжээн 15 тусгаарлах байранд 3492 хүн тусгаарлагдаж байна.  ДЭМБ-аас омикроныг шижигтэй, магадлалтай, батлагдсан хэмээн ангилж байгаа.  Манай улсад гадаадаас ирсэн 12 хүний сорьцод омикрон хувилбар батлагдсан. Үүнээс  Тайланд, Туркээс хоёр, энхийг сахиулагч 10 иргэнээс омикрон илэрсэн байна" гэв.