Баян-Өлгий аймаг дахь “НИК Петровис” компанийн шатахууны агуулахын хажууд өвс шатаж байсныг онцгой байдлын албаны ажилчид унтраасан байна. Тодруулбал, өчигдөр 06:42 цагт тус аймгийн Өлгий сумын нутагт гал гарсан  тухай дуудлага Онцгой байдлын газар иржээ. Дуудлагын дагуу алба хаагчид очиход айлын хашаанд хураалттай 1012 боодол өвс шатаж байжээ.

    Тус айлын хашаа “НИК Петровис  компанийн шатахууны агуулахын дэргэд байрлалтай аж. Гал сөнөөгчид таван цаг ажиллаж, галын тархалтыг зогсоож, гал гарсан хашаанд дахь хоёр давхан өвлийн байшин, зуны амбаарыг галын аюулаас авран хамгаалсан байна.