УИХ-ын чуулганы хуралдаан 16:00 цагаас эхэллээ. Хуралдаанаар хоёр асуудал хэлэлцэхээр төлөвлөсөн байна. Нэгдүгээрт, Оюу толгой ордод холбогдох тогтоолын төслийн анхны хэлэлцүүлгийг хийж, эцсийн хэлэлцүүлэгт бэлтгүүлэхээр Түр хороонд шилжүүлсэн. Хоёрдугаарт, “Коронавируст халдварын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд өөрчлөлт оруулах тухай хуулийн төсөл”-ийг хэлэлцэж эхэлсэн юм. Коронавирусийн хуулийн хэрэгжилтийн хугацааг зургаан сараар сунгах өөрчлөлтийг тус тогтоолын төсөлд тусгасан аж.