Шатахуун түгээх станцууд чанаргүй шатахуун худалдаж байна гэсэн мэдээлэлтэй холбогдуулан Ашигт малтмал газрын тосны газраас хяналт шалгалт явуулж эхэллээ. 

 Энэ үеэр тус газрын чанарын менежер, шинжээч Ж. Бадамсүрэн “Бид төлөвлөгөөт үзлэгийг жилд нэг удаа хийдэг. Саяны шалгалтаар "Тэс Петролиум" шатахуун түгээх станцад зөөврийн шинжлэх багажаар АИ92 бензин дээр моторын арга болон шинжилгээний аргаар шинжилгээ хийлээ. Тусгай багажаар шинжихэд 95,8 үнэлгээтэй буюу чанарын шаардлага хангагдсан гэх үзүүлэлт гарлаа. Бид иргэдийн санал хүсэлтийн дагуу 15 шатахуун түгээх станцад шатахууны дээж авч шинжилхэд чанарын шаардлага хангасан гэж гарсан. Мөн бензинийг устай холих боломжгүй гэдгийг зөөврийн тусгай багажаар харууллаа. Ус өөрөө 0 градуст хөлддөг учир ямар нэгэн байдлаар бензинийг устай холих боломжгүй байдаг ”гэв. Үргэлжлүүлэн бусад шатахуун түгээх станцуудар мөн орж, хяналтт, шалгалт явуулах юм байна.