Сүхбаатар дүүргийн 11 дүгээр хороо Хангай хотхоны ... байрны зүүн талд автозамын нэгдүгээр эгнээнд байрлуулсан 15 автомашины толь, дугуйг 16 настай хүүхдүүд хагалж, эд зүйлсийг гэмтээсэн нь тогтоогдсон байна. Тодруулбал, А, Т нар гэртээ цахим тоглоом тоглож байгаад “Гарч машины дугуй хаглая” гэж тохиролцоод автомашины цонх, дугуйг нь хаглаж, толийг нь хугалсан хэмээн мэдүүлжээ. Тэдний учруулсан хохирлын хэмжээг тогтоосон эсэх талаар Цагдаагийн ерөнхий газрын Хэвлэл мэдээллийн төвийн дарга, цагдаагийн дэд хурандаа Б.Баатархүүгээс тодруулаа. Тэрбээр “Үнэлгээний компаниуд хохирогч нарын автомашинд үнэлгээ хийж дуусаагүй байна. Сүхбаатар дүүргийн цагдаагийн II хэлтэст шалгалтын ажиллагаа үргэлжилж байгаа” гэлээ.