Байшин шатсаны улмаас хоёр иргэн түлэгджээ. Тодруулбал, Нийслэлийн Сүхбаатар дүүргийн IX дүгээр хорооны Баянбулагийн зуслангийн  Задгай гэх газарт байшин шатаж байна гэсэн дуудлага өчигдөр тус дүүргийн Онцгой байдлын газарт иржээ.

 Дуудлагын дагуу Сүхбаатар дүүргийн Онцгой байдлын хэлтсийн Гал түймэр унтраах, аврах 74 дүгээр ангийн алба хаагчид тухайн газар очиход иргэн Э-ийн 8×12 метрийн хэмжээтэй байшин шатаж байсныг унтраасан байна. Галын улмаас 45 настай иргэн Б, 35 настай иргэн Э нар  түлэгдэж гэмтсэн байсныг Яаралтай түргэн тусламжийн тасагт шилжүүлэн өгчээ.