Төв аймгийн Эрдэнэ сумын гуравдугаар багийн нутагт малын хулгай гарчээ. Тодруулбал, энэ сарын 18-19-нд шилжих шөнө малчин Х-ийн 60 гаруй тооны үхрийг гурван этгээд бэлчээрт нь бөөгнүүлж, нэгийг нь төхөөрч байхад нь малчин үйлдэл дээр нь таарч, цагдаагийн байгууллагад хандсан байна. Цагдаагийн байгууллагаас дээрх этгээдүүдийг саатуулсан байна. Шалгалтын явцад хэргийг үйлдсэн этгээдүүдийн нэг өмнө нь мал хулгайлах төрлийн гэмт хэрэгт шалгагдаж байгаад оргосон байна. Дээрх этгээдүүдийг цагдан хорьж, Төв аймгийн цагдаагийн газар шалгаж байгаа аж.

   Иймд малчид оройн цагаар малаа бэлчээрээс нь байнга хурааж, хотлуулж байхыг цагдаагийн байгууллагаас анхааруулж байна.