Сүхбаатар дүүргийн нутаг дэвсгэрт өчигдөр 19-20 насны хос муудалцсны улмаас зам тээврийн ноцтой осол гаргажээ. Үүнтэй холбоотойгоор Тээврийн цагдаагийн албаны мэргэжилтэн Б.Энхболд мэдээлэл өглөө.

    Тэрбээр “Энэ оны 11 сарын байдлаар согтуугаар замын хөдөлгөөнд оролцсон 33 мянган зөрчил илрүүлсэн. Үүнтэй холбоотой зам тээврийн осол 1300 бүртгэгдэж, 95 хүний амь хохирсон. Тиймээс тээврийн цагдаагийн албанаас “Согтуурсан үедээ жолоо бүү барь” гэх уриалга гаргасан. Зам тээврий ослоос урьдчилан сэргийлэх чиглэлээр архи согтуурах ундаагаар үйлчилдэг байгууллагуудтай хариуцлагын гэрээ хийж, ажиллаж байгаа. Манай улсад 1.4 сая жолооч бүртгэлтэй. Үүний дийлэнх нь 19-25 насны залуус байна” гэв.