Олимпийн аварга, МҮОХ-ны дарга Н.Түвшинбаяр Улсын начин Э.Энхбатыг зодож, биед нь хүнд гэмтэл учруулсан хэрэг өнгөрсөн дөрөвдүгээр сард гарсан. Тиймээс Э.Энхбат начин тархиндаа хүнд гэмтэл авч, БНСУ-д эмчлүүлэхээр явсан юм. Гэвч тэрбээр өнөөдрийг хүртэл ухаан ороогүй учир эмчилгээг нь зогсоох тухай Солонгос эмч нар ар гэрийнхэнд нь мэдэгджээ. Тиймээс Монгол Улсын начин өнөөдөр эх орондоо ирж, "Сонгдо" эмнэлэгт үргэлжлүүлэн эмчлүүлэх аж.

     Үүнтэй холбоотойгоор түүнийг цахим сүлжээгээр нас барсан хэмээн бичиж, олон нийтэд буруу ташаа мэдээлэл тараагаад байгаа юм. Харин түүний өмгөөлөгч О.Санчирбал цахим хуудастаа “Э.Энхбат начин нас бараагүй гэдгийг албан ёсоор мэдэгдэж байна. Хохирогч болон түүний ар гэрийнхэнд хүндэтгэлтэй хандахыг хүсье” гэсэн байна.