Баян-Өлгий аймгийн Буянт сумын Хөлцөөт багийн Холбоо гэдэг газар Холбоо нуурт долдугаар 26-ны 18:10 цагт хоёр хүн живжээ. Тодруулбал, Холбоо нуурт нэг том хүн, хоёр хүүхэд сэлж байгаад хоёр нь живсэн байна. Улмаар аймгийн Онцгой байдлын газарт дуудлага өгч долдугаар сарын 28-ны 06:00 цагаас эрэн хайх ажиллагааг эхлүүлж, мөн өдрийн 08:21 цагт 21 настай эрэгтэй Е, 12 настай, эрэгтэй Н нарын цогцсыг Холбоо нуурын найман метрийн гүнээс олжээ.