Итали Улсын Женова хотод зохион байгуулагдсан, өсвөр үеийн жүдо бөхийн Европ тивийн цомын аварга шалгаруулах тэмцээнд Монголын тамирчид амжилттай оролцож хоёр алт, нэг хүрэл медаль хүртлээ. Өчигдөр охидын 63 кг-ын жинд өрсөлдсөн “Гүрү Дожо” дэвжээний тамирчин Хүрэлчулууны Маралмаа алтан медаль хүртлээ. Хөвгүүдийн 73 кг-ын жинд өрсөлдсөн “Виннер” клубийн Батбуянгийн Далайцэрэн алтан медаль, охидын 57 кг-ын жинд өрсөлдсөн “Виннер” клубийн Машбатын Цэндбазар хүрэл медаль  тус тус хүртлээ.

         Ийнхүү Евродын цомын цуврал тэмцээнээс Монголын баг тамирчид гурван алт, хоёр хүрэл медаль, хоёр тамирчин шагналт V-VII байрm орсон амжилтаар өндөрлүүлж байна. Одоо манай жүдочин хүүхдүүдийн дараагийн зогсоол хоёрдугаар сарын 15-16-ны өдрүүдэд Словак Улсад болох “Samorin” Европын цуврал цомын тэмцээн байх болно.