“Белград-2023” ДАШТ-ий дөрөв дэх өдөр өнөөдөр энэ сарын 19-ний өдрийн барилдаан “Штарк арена”-д үргэлжилнэ. Өнөөдөр эмэгтэйчүүдийн 50 кг-д 28 бөх зодоглоно. ДАШТ-ий мөнгө, хүрэл медальт, Монгол Улсын гавьяат тамирчин Долгоржавын Отгонжаргал эхний даваанд гоц мөргөж, ялалт авсан байгаа. Хоёрдугаар тэрбээр тойрогт Франц,Туркийн бөхчүүдийн хэн ялсантай өрсөлдөнө.

       Харин 57 кг-д 36 бөх хүч сорих бөгөөд олимп дэлхийн хүрэл медальт, Монгол Улсын гавьяат тамирчин Бат-Очирын Болортуяа эхний тойрогт хийлж, ялалт авсан байгаа. Хоёрдугаар тойрогт 2022 оны ДАШТ-ий хүрэл медальт, Европын хошой аварга, дэлхийн чансааг тэргүүлэгч Украины Алина Хрушина Акобиятай барилдана.

       Эмэгтэйчүүдийн 65 кг-д Түвшинжаргалын Энхжин эхний тойрогт хийлж, ялалт авсан байгаа. Хоёрдугаар тойрогт тэрбээр Европын хошой аварга Болгарын Мими Христоватай барилдах болно. Харин 76 кг-д 29 орны бөхчүүд барилдах бөгөөд Найгалсүрэнгийн Загардулам эхний тойрогт Африк тивийн хошой аварга Нигерийн Ханна Рюебентэй барилдана. Мөн 55 кг-д Японы бөх, дэлхийн хошой аварга Харүна Окүнод 2:9 оноогоор хожигдсон Чинболдын Отгонтуяа дагах барилдаанд дэлхийн залуучуудын аварга, Беларусийн Арина Мартыноватай барилдах юм.