Ардчилсан намын бүлгийн хуралдаанаар хэлэлцсэн асуудлаа танилцууллаа. Бүлгийн хуралдаанаар гурван асуудал хэлэлцсэн байна. Энэ талаар УИХ-ын гишүүн О.Цогтгэрэл "Нэгдүгээрт, МАН-ын 2020 онб сонгуулийн мөрийн хөтөлбөрийг бид сануулж байна. Хүний хөгжлийн асуудлаар юу амлаж, ямар байдалтай байгаа вэ. Мөн эдийн засгийн асуудлаар дээр юу амлаж байсан бэ гэдгийг хэлэлцлээ. Хоёрдугаарт, Засгийн газарт долоон зүйл, заалт бүхий шаардлага хүргүүлнэ. Нүүрсний асуудал өмнөх 60 тэрбум, ЖДҮ, концессын хэргүүд шиг замхрах гээд байна. Монгол Улсын эдийн засгийн 40 хувь нь төсвөөр дамжиж шийдвэрлэгддэг болсон. Үүнд нэмээд төрийн өмчит компаниудын орлого 55 их наяд буюу Монгол Улсын ДНБ-тэй тэнцүү хэмжээний борлуулалтын орлого хийдэг төрийн өмчит компаниудтай болслн. Үүний цаана авлига, албан тушаалын асуудал гардаг. Нүүрсний хэрэгтэй холбоотой албан шаардлагад:

• "Эрдэнэс таван толгой" ХК-ийн оффтейк гэрээтэй холбоотой асуудлыг ил болгох,
• Тавантолгойн бүлэг ордын уурхайн ам болон хилээр гаргаж буй нүүрсний зөрүүг ил болгох 
• Нүүрсний гэрээ олборлолт тээвэрлэлттэй холбоотой, тэдгээрийн гэрээ чухал албан тушаалтнуудын мэдээлэл, улстөрийн хамаарал бүхий этгээдүүдийн хөрөнгө орлогыг ил болгох 
• Удаа дараа ярьж байгаа хоёр сая тонн нүүрсний асуудлуудыг ил болгох
• Гэрээ болгоноор орж ирсэн мөнгөний хэмжээ, ачуулсан нүүрсний хэмжээг ил болгох 
• Эдгээр асуудалд шууд болон шууд бусаар холбогдсон этгээдүүдэд улс төрийн болон бусад хариуцлагыг хүлээлгэх
• Уг асуудлаар Ерөнхий сайд мэдээлэл боловсруулж, УИХ-ын нэгдсэн чуулганаар хэлэлцүүлэхийг шаардаж байна. Энд МАН, АН гээд байх зүйлгүй нүүрсний бүх асуудлыг ил болго" гэлээ.