УИХ-ын чуулганы нэгдсэн хуралдаан эхэллээ. Хуралдааны эхэнд хуулийн төслүүдийг эцэслэн батлах томъёоллоор санал хураалт явууллаа. Өнөөдрийн хуралдаанаар 2023 оны төсвийн төслийг эцэслэн батлах учиртай. Хэлэлцэх асуудлын дараалалтай холбоотой УИХ-ын гишүүн О.Цогтгэрэл үг хэлсэн.

      Тэрбээр  "Монгол Улсын 2023 оны төсвийн төслийг батлах гэж байна. Төсвийн төсөл болон Мөнгөний бодлого нь Монгол Улсын эдийн засаг хаашаа явах вэ гэдгийг чиглүүлэх чухал асуудал. Өнөөдөр батлах гэж байгаа 2023 оны төсвийн төсөл бол ирэх оны гадаад, дотоодын эдийн засгийн эрсдлээ тооцоолоогүй, улсаа дефолт болгох төсөл байна.Төсвийн тогтвортой байдлын тухай хууль, мөнгөний бодлогыг зүгээр л хэлэлцээд өнгөрдөг цаас боллоо. Ирэх оны Мөнгөний бодлогыг харахад жижүүрийн хэдэн үгээр хаацайлсан байна. Мөнгөний бодлогыг төсвийн хэлэлцүүлгийн дараа дахин судалж, хэлэлцүүлэх ёстой. Мөн төсвинй төсөл хэлбэр төдий болсон тул батлахад нь УИХ дахь Ардчилсан намын бүлгийн гишүүд оролцохгүй, өчигдөр Мөнгөний бодлого батлахад оролцоогүй. Гэхдээ та бүхэн төсвийн хуулийг анхаарахын тулд даруй УИХ-аас ажлын хэсэг гарган ажиллах шаардлагатай"  гэлээ.