УИХ-ын чуулганы баасан гарагийн ээлжит хуралдаан эхэллээ. Өнөөдрийн нэгдсэн хуралдааныг нээж УИХ-ын дарга Г.Занданшатар үг хэлэхдээ, түүхэн өдөр тохиож байгааг онцлов. Тэрбээр "Одоогоос 30 жилийн өмнө буюу 1991 оны арван нэгдүгээр сарын 11-ний энэ өдөр БНМАУ-ын Ардын их хурлын 12 дахь удаагийн хоёрдугаар чуулган нээж, Монгол Улсын шинэ үндсэн хуулийн төслийг хэлэлцэж эхэлсэн юм. Хуралдааныг Ж.Гомбожав даргалж, 420 депатут оролцож байжээ. Энэ ойн өдрийг тохиолдуулан Ардын их хурлын хуралдааны тэмдэглэлийг УИХ-ын архивт байгаа бүрэн эрхээр нь нийтэд ил болгож байна" гэлээ.