Архангай аймгийн Засаг дарга М.Батжаргалыг өнгөрсөн есдүгээр сард үүрэгт ажлаас нь чөлөөлсөн. Тодруулбал, тус аймгийн ИТХ-ын гишүүдийн олонхын саналаар түүнийг огцруулж, Ерөнхий сайд баталгаажуулсан юм. Тэгвэл өнөөдөр Архангай аймгийн ИТХ-ын ээлжит бус есдүгээр хуралдаан болж, аймгийн Засаг даргыг томилох асуудлыг хэлэлцсэн байна. 

        Улмаар Аймгийн Засаг даргын орлогч В.Мөнхбатыг Архангай аймгийн Засаг даргад нэр дэвшүүлж, гишүүдийн олонх дэмжжээ. Түүнийг аймгийн Засаг даргаар томилох саналыг Ерөнхий сайдад хүргүүлж, баталгаажуулах юм.