УИХ-ын чуулганы нэгдсэн хуралдаан эхэллээ. Хуралдааны эхэнд гишүүд хэлэлцэх асуудлын дараалалтай холбоотой үг хэлж байна. Энэ үеэр УИХ-ын гишүүн Г.Амартүвшин "Үдээс хойших чуулганы хуралдаанаар Ерөнхий сайд Хөгжлийн банкны зээлийн асуудлаар мэдээлэ хийх юм билээ. Үүнийг гишүүд сайн сонсох хэрэгтэй. Өчигдөр Ц.Даваасүрэн гишүүн намайг Хөгжлийн банкны асуудлаар үндэслэлгүй гүтгэсэн. Би Хөгжлийн банкны 33 тэрбум төгрөгийн асуудалд би ямар ч хамааралгүй. Би Хөгжлийн банкны зээлдэгч нартай ямар ч холбоогүй. Тэгээд ч тэр компаниуд нь өнгөрсөн зун төлбөрөө хийчихсэн юм билээ. Одоо чанартай зээлдэгч нарын эргэн төлөлт хийгдээд дуусаж байгаа юм билээ. Чанаргүйд эрчим хүчний салбарын зээл үлдэж байгаа юм билээ. Ц.Даваасүрэн гишүүн та олон жил Их хуралд суусан, үлгэр дуурайл үзүүлэх гишүүн. Тиймээс ганцаарчилсан, гишүүдийг доромжилсон цаг үе өнгөрсөн шүү. Ц.Даваасүрэн гишүүнд би талархаж байна. Миний пи-арыг хийж, чуулганы хуралдаанаар миний нэрийг дуудсанд" гэлээ.