Улаанбаатар-Дархан чиглэлд өнөөдөр хатуу хучилттай авто замаар хөдөлгөөнийг нээсэн талаар Зам тээврийн хөгжлийн дэд сайд С.Халтар цахим хуудсаараа дамжуулан мэдээллээ. Тэрбээр “Өнөөдрөөс Улаанбаатар-Дархан чиглэлд хатуу хучилттай замыг бүрэн нээлээ. Жолооч та бүхэн хөдөлгөөний аюулгүй байдлаа хангаж, анхаарал болгоомжтой зорчоорой” гэв. Тэрбээр өмнө нь “Бид 2022 оны аравдугаар сард хатуу хучилттай замын хөдөлгөөнөө нээхийн төлөө зорьж байгаа. Ажлаа шахаж байна. Эхэлсэн бол дуусна. Үүний төлөө бүх хүчин чармайлтаа гарган ажиллаж байна” гэв.

Засгийн газраас 2018 онд Улаанбаатар-Дархан чиглэлийн автозамыг дөрвөн эгнээ бүхий хатуу хучилттай авто зам болгон өргөтгөн шинэчлэх шийдвэр гаргасан билээ.