УИХ-ын чуулганаар 2023 оны Улсын төсвийн талаар хэлэлцэж байна. Хуулийн төсөлтэй холбоотой гишүүд асуулт асууж, хариулт авч байна.

      УИХ-ЫН ГИШҮҮН М.ОЮУНЧИМЭГ: Бид одоогоос таван сарын өмнө төсвийн хүрээний мэдэгдлийг баталсан.  Тэр үед УИХ-ын гишүүдийн дийлэнх нь гутрангуй төсвийн хүрээний мэдэгдэл оруулж ирээд байна гэж байсан. Өнөөдөр тэр гутрангуй  тоо баримтаа өөдрөгөөр засаад, ороод ирсэн байна. Тэгэхээр гишүүдийнхээ үгийг сайн сонсож байх хэрэгтэй. Бид нар тал бүрийн салбар, төслийн хүмүүстэй уулздаг. Өчигдөр Мишээл экспо-2022 дээр Европын холбооны томоохон компаниуд оролцож байна. Тэд та бүхэн хөрөнгө оруулалтыг дэмжинэ гээд байгаа ч  одоо хэлэлцэж буй төсвийг харахад яаж дэмжих нь тодорхойгүй байна гэсэн.  Тэгвэл өнөөдөр харахад зээл авах бололцоог нь нээж өгсөн ч ямар зээлийг яаж олгох нь тодорхойгүй байна. Манай гишүүд хавтгайрсан халамж гэж их ярьж байгаа. Гэтэл тооцооллоос харахад хавтгайрсан халамж олгож байгаа харагдахгүй байна.