УИХ-ын чуулганаар 2023 оны Улсын төсвийн талаар хэлэлцэж байна. Хуулийн төсөлтэй холбоотой гишүүд асуулт асууж, хариулт авч байна.

 УИХ-ын гишүүн Х.Булгантуяа: 2023 оны  төсвийн  хүрээний мэдэгдлийг 2022 оны тавдугаар сард  баталсан. Засгийн газар орлого, зарлагаа барих, тодорхой хэмжээг тооцоолоод аравдугаар сарын 1-ний өдөр УИХ-д өргөн  барихаар болсон. Одоогийн байдлаар өмнөх тоонууд нэлээд өөрчлөгдөж орж ирсэн байна. Орлого 1.6  их наядаар нэмэгдсэн нь өнгөрсөн тавдугаар сартай харьцуулахад их хэмжээгээр өөрчлөгдсөн байна. Төсвийн зарлага  мөн 1.3 орчим их наядаар нэмэгджээ. 2023 онд ямар томоохон санхүүжүүлэлт хийх учраас ингэж орж ирсэн бэ? Харин өрийн хэмжээ нэг их наяд орчмоор нэмэгдсэн байна. Энэ тал дээр тайлбар байна уу?